Anwerne angkerre-tyeke urrkaye, atyne anwernekenhe uthene atyewe uthenhe-ke, drug problem akerte-ke. (Part 2 of 3) - Arrernte

Fact sheet second part arrpenhe ngenhenge-ntyele anwerne angkerre-tyeke nmilyhakenhe-akenhe angke-tyeke atyewe ngkwinhe-ke.

Atyenpe irrem-le anaye alkwerneme-le. Aheke-aheke iletyenkenge, ngkwenge re awethe angetyakenhe aneketyenge.

Alakenhe apeke unte angkeme-re ‘ayenge kwenhe ngkenge akngerre warreye irreme, ayenge ahentye aneme nhenhe alpme-iletyeke’.

Akgerre-akgerre irremele alkngerte angketyale. Akgerre-akgerre irremele alkngerte angketyale, itnenhe apurer-le anthemele arteke, tyerrtye kwenhe mweke-kenhe irrentye akngerre, ngkwarle akerte-ke uthene ane drug akerte-ke, itne-arle apure arle irreme.

Ngenhe itne areme unte kwenhe itneke alkgerte irretyakenhe itne ngkwenge ante arle aywerreke aneme.

Alakenhe ikwerenge itneke ilaye iwenhe-le ame itnenhe athnerte atyenpe-itetyakenhe. Ineke purrke ilelhaye, wenhe te anteme atnerle ngenhe akngarte-iweme.ame itne iterrentye akngarte lhe-tyekkenhe.

Itne arle alakenhe akwenye-irremele anemenge arle unte ilkelhe-tykenhe awelheme.  Atyewe ngkwinhe ane ngkwenge antweye arlke ilpernetyale drugs-ke urrkapeme akwele arle.

Alakenhe apeke arle unte angkeme-re: ‘Unte kwenhe arrpenhe areye arteke irremele  anteme aneme. Ayenge ngkwenge arnterre warreye irreme unte arle rlkerte-rlkerte irreme.

Atyewe ngkwinhe uthene ane atyene ngkwinke uthene ahentye aneme, ngkwenge ayiye iwenhe akerte apeke arle aneke ane nthakenhe-irreke akerte ayiye itne-kenhe awetyeke, atyeperre kwenhe kirrentye anetyeke, mwantye-le awaye ahele irretyale.

Alakenhe arle aneme,unte arle aweme-le aneme:

Itne kwenhe ngenhe areme, akaperte kwene irremele aneme, iwenhe-ke apeke arle itne angkerre iperre akerte-ke.

Iterareme-le arne iwenhe-akerte-ke itne angkeme kele imarte tyerneme-le anemele

Unte apeke aweme-le apateme, awethe iletyeke renhe ilaye, iwenhe-ke akerte apeke-ke rarle, re angkeme-ke, kele imarte angkentye ngkwinhe-le anteme ilirtneme-le, unte kwenhe itnenhe mpwantey-le awetyeke.

Mwantye-le awaye nhakenhe-akenhe anthurre ame atyewe ngkwinhe-le uthene, ngkwenge artweye-le uthene ngkwenge ileke, itnenhe ameke-areme-le.

Itne imarte ngkwenge atheke ahele irrerle, nhakenhe apeke arele unte angkeke itneke werne atheke.

Itnenhe ilperneme-le arteke iletyale, apure-rle antheme-le, itnenhe ayumpwele- arteke.

Urreke-ke impaye, ilenge-ngare re apeke tyerrtye arrpenhe areye akerte apeke awethe angkerre-tyenheke.

Apurte irremele angkerre-tyeke urrke, itne iterle aretyeke Mwerre arle itne akangkintye lyete aneme, kenhe drugs uthene ngkwarle-le uthene iperre, itne alkngwerre-tyenhe arle, arne nhenhe itneke areye-ke.