Wangkamirli,pa help-pi maninjaku family,ki manu warlalja,ku kuja kalu nyina drugs jangka. (Part 2 of 3) - Warlpiri

Nyampurla factsheet,rla kapurlipa wangkami nyuntu nyangu marlpa kurlu.

Ngurrju nyinaya pirrjirdi. Kulu kujakuju ngulaju jamulu purdanyangka, ngarirla kuja wangkaya ‘wajampa jarrimi karnangku yungurnangku help-pi mani.’

Kula kurnta manta manu pututu pungka. Yapa kulaapalu wangkayarla parne manu drugs kirli, kurntangka nganta. Ngarrika jana kulu kanpa jana judgemarni manu kanpa jana respect mani kaji kalu jana help mani nyuntuku wangkanjaku.

Ngarrika jana wajampa mani kangkulu kujarluju.

Kaji kanpa jana kulu jarri family,ki manu marlpaku yangka drugs ngirli, wangkaya jana yangka kanparla wajampa nyina yangka kanpa nyurnu jarri. 

Yangka example kaji kanparla kuja wangkami, ‘oh jalangu kari jalangu kari karnangku nyanyi kula nganta nyuntuju yapa kari wajampa jarrimi karnangku yangka kanpa nyurnu jarrinjaani’.

Kajingkili nyuntu nyangu marlpa wangkami nyanungurra nyangu jaru, ngulaju purdanyangka kutu;

Yangka purdanyanjaku ngulaju:

Nyarrpanpa nyuntuju, yangka kuja kanpa jurru yurnku-yurnku jarrimi kutu.

Manngu-nyangka nyarrpa kajili wangkami.

Kajinpa purdanyanja wangu nyinami, payika jana nyarrpa kujangku wangkaja yungunpa milya pinyi.

Langa kurra manta kujangku nyarrpa wangkaja support manta.

Marda kaji kangku kulu jarrimi nyarrpa kajinpa jana wangkami, kula jana kurnta manta, kaji kalu warntarla yani, ngurrju jukurla wangkaya.

Marda kahi kulu nyina nyarrpa kuja kanpa wangka, kula jana kurnta manta, kaji kalu arntalrla, jarrirni yapa kari ki jana wangkaya yungulu jana wangkarni.

Wangkaya jana yangka nyarrpa jarrija kalalu ngurrju wiyi kamparru pama manu drugs wanguju.