Yumpla go yan abaut elpe pren or pamle memba uda gad drug ane alcohol problem (Part 1 of 3) - Torres Strait Islander Creole

Yu no uptu mekem yuselp. E gud idea po yan pass wair sumwan yu trust (e ken be Anti, Uncle, mum, dad, tisa, school counsellor, big sissy or bala, or nada pamle memba). Diswan e ken elpe yu pind gud wei’s po go der po tok po da person yu wori abaut.

Yu-e mait kant yan po da pren or pamle memba abaut dis issue becoz ob culture blo yumi.

E ken elpe po tok po Anti, Uncle, mum, dad blo yu po pind-aut uda ken elpe ane tok po dempla.

Wen sumwan e gad problem becoz ob alcohol ane drugs, e ken affect yu tu. E also important po gedi sumwan po sapot yu tu ip e ged tu ad po yu.

Sapot wananada e olwais bin strength blong yumpla Aboriginal ane Tores Stret Ailan culture. Yumpla komyunity e strong wen yumpla e karm tigeda po lukaut ane sapot wananada.

E gad plenty ob information lo dis website po pind aut mohr abaut ol diprent type ob drugs.

E ken elpe yu ip yu e sabe wiskain yu go tok abaut dis wair pren or pamle memba blo yu ane wanem yu go spik po dempla.

Yu ken tok abaut dis wair sumwan yu trust pass. Yu ken cusa spik po dempla; ‘da person yu wori po, em no act laik emselp, wiskain I go tok abaut dis wair dempla?’

E go be gud po go sake lain or wagbaut wair sanbis, or lo wan creek, go sumwair wair e quiet wair nobodi e ken disturb yutu.