Arlterrknge ileme-le ampe ngkwinhe areyeamangelhe-tyeke: Apurte aneme-le arrkenhe arneke urrkampe-le anetyeke - Arrernte

  • Aboriginal artwork. Orange design with blue backgr
Targeted Drugs: ,
Bronze

This resource has undergone expert review.

Year:
Foundation Year, Year 1–2, Year 3–4, Year 5–6, Year 7–8, Year 9–10, Year 11–12
Origin

Australian

Cost

Free

Content Especially Suited For

Aboriginal & Torres Strait Islanders

Angkentye alakenhe pipe nhenhe-le aneme:

Amangelhe-iletyeke ampe ngkwinhe Mwerre akwete anetyeke

Ampeke artweye-le, arntarnte-arentye akngerre apkeke-le uthene, parmerleye arlke, unte kwenhe ampenge urlarre-le aneme, impene anthurre.

Alarkenhe akwele itne areke-iperre, ampe areye mwerre arle aneme, itneke artweye-nge aneme-le arneke akaltye-irreme-le, arrkene-irreme-le, utheme-le arlke, drugs-ke uthene ngkwarle utheke iterretye-akenhe anenhe-anenhe apmere-le.

Arne nhenhe areye araye, unte apeke ampe ngkwinhe areyenge mpwareme anetyeke, itnenhe arntarnte aremele anaye drugs-keyte ane ngkwarle uthene ketye arlke.

Apurte-le arne mpwareme-le anetyeke

Ampe-ke artweye-le unte iterlarertyeke, ampe akngerre teenager ngkwinhe arenyenge aneme-le akwele mwerre altyakeleme-le aneme parmerleye-nge, apurte akwete mwerreke anenhe-anenhe.

Arnterre urrkapme-le arle aneme-nge arlke akwele ampe-ke alngkwirrentye akngerre, ampeke iterreme-le anetyakenhe ilenhe, iterlearemele itnenhe ameke-aretye, drugs uthene ngkwarle uthene ketyeke arlke.

Ampe ngkwinhe areyenge-arlke ameke anaye, arne mpwareme-le apurte-le, arrkene –irretyeke, apmere–werne utheme-le akaltye irreme-le anetyeke:

Apurte-le merne arlke arlkweme-le angkerreme-le anetyek ampe ngkwinhe arenye-nge.

Arne-arrpenhe areye arlke mpwareme-le anaye ampe ngkwinhe areye-nge, pwete-purlenge arrkenhe irreme-le, untheme-le anaye apmere community-le ayiye arlke ileme-le, arrkene arlke arratyeme-le urtetyeke, anthepe irretyeke, alyelhe-tyeke arlke. Apurte alhemele games arrpenhe areye arlke arrkene – irretyeke. Arnenge tyele arlke arne mpwaremele anetyeke.

Unte kene itnenhe kaltye anthele altyerre akerteke, anperne-irrentye akerte-ke, nthakenhe itne apmere anperneme, nthankenhe itne aperne-irreme. Arne pmwaretyeke arnenge ntyele nhenge alye, irrtyarte, amirre, alkwerte, urtne, terurre arlke, inernte arlke atanthe-ke. Nthakenhe arrkene-irretyeke alye atherrenge, terrurre rltare-atwetyeke.

Community-le arrkeneke activities.

Ampe akngerre teenager’s akwethe arrkene-ke uthentye-akngerre areye kwenhe, drugs ahentye anetyakenhe, arrpenhe areye arteke anetyakenhe.  Ampe ngkwinhe areye yernaye arrkenhe –irretyeke ampe arrpenhe arenyenge arrkerrneke.

Arrpenhe nhenhe arlke akwele aneme Community-le uthene Australia-le uthene:

Ingwele arrkene irrentye akngerre basketball-ke, footy-ke, soccer-ke, netball-ke, cricket-ke swimming-ke ane dancing-ke. Mwerre kwenhe ute apeke ahentye aneme arrkene-irretyeke, ware aretyeke apeke alhe-le.

Petye-werne apeke ahele ampe mape akerte.

Barbecues alhele ampe mape akerte.

Ampe mape akerte ahele fishing mpwaretyeke, inteke camping apmere werne,

Apmere ngkwinhe-le ane communitye ngkwinhe-le apeke alakenhe antyakenhe aneme, pamerleye arrpenhe areye-nge apurte irremele alhaye, ampe ngkwinhe areye akerte.  Arrpenhe areye arlke ikngwaye, teachers arlke ane akgerre-pate mape arlke, ayiye iletyeke, Tyerrtye kenhe Land Council arenye mape arlke alpe apayeuthe-tyeke, apmere werne irre alhetyeke ampe mape akerte.

Organisations arrpenhe areye-le mane arlantheme Sport and Recreation community arenye mape, activities arrpenhe areye-ke ampe mapeke mpware-tyeke, nhenge Midnight Basketball Australia-le uthene Australian Drug Foundation-le, local drug action team programs-nge ntyele. 

Iterlantye akngerre kaltye

Anwerne iterlareme iterlarentye akngerre aneme impene anthurre, itne arle research mpareme-le areke iperre-le. Ampe ngkwinhe areye akaltye anthetyeke, angkentye uthene kaltye uthene arlke, ampe mape-le amangekeme-le iterlaretyeke, arne akurne mape ketye, drugs uthene ngkwarle uthene-ketye. Alakenhe ilwerenge apurte irreme-le anetyeke, kaltye antwirrkeme-le akwele itne ulyeye aweltheme-le aneme, apurtele mpwareme-le anetyeke.

Ampeke artweye apeke arle unte aneme, pamerleye apeke arntarnte-arentye akngerre apeke, community areye-arlke-le kwenhe alpme ileme, Aboriginal and Torres Strait Islander itnenhe artwe arlke uthene arelhe uthene iterlarentye akngerre akerte amangkeme-le anetyeke.

Unte kene arne-arrpenhe areye-arlke arerle, ampe ngkwinhe alpme-iletye kaltye iterlartyeke.

Ampe ngkwinhe arey-nge apurte–irreme-le ayiye-ke angkerreme-le anetyeke.

Apmere-werne akngetyeke akaltye-le anthetyeke putye arenye awelye mpwaretyeke, arne mape imerne-tyeke, kere-ke uthene-tyeke, fishing mpwaretyeke arlke.

Itnenhe akaltye-le antheme-le urntetyeke, alyelhe-tyeke, alye atwetyeke, anthepe-ke, altyerre-ke aknganirntyeke, arlke, alkenye itneke-kenhe.

Arne mpwareme-le arrkenheke, weaving-alte wetyeke arle, ite-kenhe mpware-tyeke.

Unte apeke angentye angkenhe-angkenhe, itnenhe akaltye-le anthaye mwerrantye iterlarme-le angketyeke.

Positive Choices artwork by Jenna Lee (Larrakia artist, Gilimbaa).

Page last reviewed: 1/07/2022

Something missing?

Looking for information that isn’t provided here?

Make a suggestion for this website

Need immediate support for
you or someone you know?

Get help and support now