Nhakenhe anteme unte irreme tyerrtye ngkwarle atheke-ketye uthene, drugs irrperre-ketye, ngenhe itne apeke ah - Arrernte

Tyerrtye arrpenhe areye kwenhe ngkwarle iperre uthene drugs irperrerle, arête irremele ahele-ahele ilrentye akngerre. Alakenhe-le kwenhe atere-rle antheme, kenhe nhenhe araye anteme, nhenge unte apeke arle itnenhe mwantye-mwantye-ileme-le nterte-lhe ileme-le arntarne-areme.

Unte apeke arle iterreme itneke mwantye-mwantye-ilemele angketyeke, itnenhe nterlelhe iletyeke, wale nhenhe areye akwele-are:

Itneke mwerrantye angkaye, itnehe amantyakeme-le ilelhaye, unte arle itnenhe alpme iletyeke ahentyaneme.  Mwerrantye itneke werne atheke angkaye, arne arrpe-anenhe mwaretyeke uterne-tyale, ngenhe itne alkgente-iwelheme-le angeke-tyenge ane arlpe arteple ante aweke-tyenge, 

Itneke werne atheke alheme-le, amulte atherre inkaye, iltye imparlkerte, ante akaperte kwene awerne irreme-le.

Are-urrkaye, tyerrtye nhenhe ame apmere akethe-le urlkere.  Re apeke atere awelhe-ketye apmere akweke-nge.  Unte apeke arle iparrpe tyerne-lhetyenhe-ke atere irreme-le.

Tyerrtye nhenhe urrke-ke impaye, rarrpe iterreme-le angketyeke.  Itnenhe urrke awaye, ane itnenhe ileme-le unte kwenhe iterlareme, itne iwenhe arteke awelheme.

Alakenhe apeke angkaye: “Alakenhe kwenhe arratye akurne anthurre”.

Nhenge unte arle atere- irremele areke tyerrtye arerte irreme-le ante ahele–ahele irrerlenge ngkwenge atheke.  Unte apeke arle alhwarrpe awelheme, warreye irreme, atnulkeme-le areke iperre, ane ahentye ampeme.  Alakenhe ikwenge anteme unte arntare-lheme-le anetyeke, alakenhe ikwere-ketye. Angkemele anaye Aboriginal Health worker-nge apeke and atyene ngkwinhe arenge arlke, unte apeke arle mwerre urlkere anteme awelheme. Unte apeke arle ameke arlhemele anteme anemenge.

Tyerrtye nhenhe-ketye apeke arle unte pwerepe irreme, ikwere angketyeke ahentye-anetyakenhe. Factsheet nhenhe urrke araye nhakenhe Apeke alpme iletyeke atyewe ngkwinhe uthene ane ngkwenge artweye uthene drug iperre-ke.

Unte apeke arle warreye irreme tyerrtye nheneke drugs iperre ante ngkwarle iperreke arête irremele aheke-aheke ilektyenge, plan mwerre nhenhe ikwere akerte arle impene anthurre arle, iparrpe apeke arle unte arratemele unte-tyenheke.

Iterlartye-ke nhakenhe-akenhe irretyeke.  Plan Mwerre nhenhe-le akenhe nhenhe areye akerte aneme:

Phone numper impene areye arleke akerte.  Nhenhe areye arlke 000, local hospital ngkwinhe ante Tyerrtye kenhe Medical Service, atyewe ngkwinhe kenhe numper, atyene ngkwinhe kenhe, apmere itwerle aneme areye-kenhe.

Phone call mpware-tyeke alhaye, arlenge werne-awrne, aweketyenge.  Nhenge unte apeke alpeke ringeme-iletyeke, unte apeke iterreme tyerrtye nhenhe apeke apale iterreme-le ahele angke-ketyenge.

Alhaye apmere mwerre-ke aretyeke, nhenge unte apeke anetyeke. Ngkwenge artweye kenhe apmere-werne apeke, awenhe-awenhe kenhe werne apeke, apmarleye kenhe werne apeke, atyewe ngkinhe kenhe apmere-werne apeke.

Click here for more places where you can find help

Unte arle anyente urrkapeme-le anetyake-nhe alakenhe ikwereke, iterlare tyerrtye arrpenhe areye-arlke kwenhe urrkaperlte aneme, ngenhe apeke ameke-arle aretye-nheke.  Unte apeke arle uyarne arnterre iterreme, urrpake-arle iperre, tyerrtye arrpenhe nhenhe areyeke arlke angkeme-le anaye.  Iterlare tyerrtye drugs atheke nhenhe rante akwele iterrentye ikwerenhe akngarte-iwelheme.  Aboriginal and Torres Strait Islander arenye Ingkerre-le kwenhe arntwirrke-irremele arntarnte -arreltaneme iterrntye rlterrke anyeme-le.

Positive Choices artwork by Jenna Lee (Larrakia artist, Gilimbaa).